ლეპტოპის შეძენისას დაშვებული 10 გავრცელებული შეცდომა
ლეპტოპის შეძენა ხანგრძლივი ინვესტიციაა. მისი ღირებულება $6000-$7000-მდეც კი ადის. მისი დაუფიქრებელი შეძენა დიდ დანაკარგებთან არის დაკავშირებული. ამიტომაც გადავწყვიტეთ თავი მოგვეყარა ყველაზე გავრცელებული შეცდომებისთვის, რომელთაც მომხმარებლები მისი შეძენისას უშვებენ, რათა თავიდან აგარიდოთ მათგან გამოწვეული ზარალი.
ყველაზე იაფიანი ლეპტოპის ყიდვა
არსებობს ძალიან კარგი ბიუჯეტური ნოუთბუქები, მაგრამ ეს არ ნიშნავს, რომ ისინი ყველა თქვენს მოთხოვნას დააკმაყოფილებენ და ექნებათ კარგი მახასითებლები.
დავუშვათ,თქვენ უნდა შეიძინოთ 2/4/8 ბირთვიანი პროცესორიანი ნოუთბუქი. გინდათ ბევრი აპლიკაციის გადმოწერა ერთბაშად, მაგრამ ირჩევთ 2 ბირთვიან პროცესორს, რადგან ცოტა იაფია. ეს არის შეცდომა. თქვენ უნდა შეიძინოთ ნოუთბუქი, რომელიც თქვენს მოთხოვნებს შეესაბამება და არა ის, რომელიც იაფია და საჭირო დავალებებს ვერ შეგისრულებთ. სხვაგვარად შენაძენს აზრი არ აქვს.
ზედმეტის გადახდა
კარგი მახასიათებლების მქონე, თანამედროვე ლეპტოპების ფასი ძალიან მაღალია. აქაც რაციონალურობა გვმართებს. შეესაბამება კი ეს მახასიათებლები ჩვენს მოთხოვნებს? მაგალითად ახალი MacBook Pro-ს ღირებულება $6000 -ია, თუმცა გვჭირდება კი რეალურად მისი 4TB SSD მეხსიერება? უმრავლესობას - არა. ამიტომ აქაც კარგად დავფიქრდეთ და გადაწყვეტილება ჩვენი საჭიროებებიდან გამომდინარე მივიღოთ.
ლეპტოპის ყიდვა დღევანდელი დღისთვის
უნდა იფიქროთ მომავალზეც. შეიძლება ახლა შეიძინოთ ლეპტოპი, რომელიც ამჟამინდელ მოთხოვნებს აკმაყოფილებს, მაგრამ მომავალ წელს გაზრდილი საჭიროებებიდან გამომდინარე უფრო ძლიერი დაგჭირდებათ. ასე რომ შენაძენის გაკეთების დროს, იფიქრეთ ხვალინდელ დღეზეც და შესაბამისი მახასიათებლები აირჩიეთ.
პორტების იგნორირება
ყველა ლეპტოპს არ აქვს ის პორტები, რაც ჩვენ რეალურად გვჭირდება. თუ თქვენ გჭირდებათ CD ბარათის წამკითხველი ან USB-A/USB-C, მიაქციეთ ყურადღება, რომ ახალ ნოუთბუქს ის ჰქონდეს.
ყველაზე მაღალი გაფართოება
ლეპტოპი, რომელსაც აქვს 4K დისპლეი, კარგი ვარიანტია, მაგრამ ეს არ არის ყოველთვის კარგი არჩევანი, თუ თქვენს ნოუთბუქს პატარა ეკრანი აქვს. გარდა ამისა 4K ეკრანი დიდ ენერგიას მოიხმარს და თუ გეიმერული ლეპტოპი არ გაქვთ, დიდად შეიძლება ვერც იგრძნოთ მისი ბენეფიტები. ასე რომ ნუ გამოეკიდებით გაფართოებას.
ახლის უპირატესობა
ყველას ჰგონია, რომ ერთადერთი საუკეთესო ვარიანტი ახალი ნოუთბუქის შეძენაა. არადა არსებობს Refurbished, ან off-lease ვარიანტები, რომლებიც საშუალებას გვაძლევს ბევრად ნაკლები დანახარჯებით შევიძინოთ საუკეთესო მახასიათებლების მქონე ლეპტოპი. უფრო ვრცლად იხილეთ ჩვენს სტატიაში.
ზომას მნიშვნელობა არ აქვს
ნოუთბუქის ეკრანის ზომას ძალიან დიდი მნიშვნელობა აქვს. პატარა ლეპტოპი შეიძლება კარგი იყოს მოგზაურობისთვის, მაგრამ თუ თქვენი სამუშაო ამ ნოუთბუქს უკავშირდება, ჯობს მისი ზომა 14+ იყოს.
აირჩიოთ ერთი სპეციფიკაციის მიხედვით
შესაძლოა აღფრთოვანდეთ ოპერატიული მეხსიერების მოცულობით, არადა 8 GB-ზე მეტი რეალურად არ გჭირდებოდეთ. ანდაც, ნოუთბუქი იყიდოთ ცალკეულად ხანგრძლივი ავტონომიური მუშაობის, ან ფართო რეზოლუციის, ან პროცესორის გამო. ეს არასწორია, რადგან ცალკეული ასეთი მახასიათებელი არაფერს გაძლევთ, თუ რეალურად ის არ გჭირდებათ ან არ არის შესაბამისი სხვა მახასიათბლებისა. ასე რომ აირჩიეთ ნოუთბუქი დაბალანსებული მონაცემებით.
არასაკმარისი სიმძლავრე
სწორად განსაზღვრეთ გრაფიკული პროცესორის სიმძლავრე. თუ თქვენი სამსახური უკავშირდება გრაფიკულ პროგრამებს ანდაც გამოცდილი გეიმერი ხართ, ყურადღება მიაქციეთ გრაფიკული პროცესორის სიმძლავრეს.
ერთი ერთში იგივეა, რაც ნოუთბუქი
ტაბლეტი ორი ერთში იგივე არ არის, რაც ნოუთბუქი და სამუშაოდ ის ლეპტოპის მაგივრობას ვერ გაგიწევთ. მულტითასქური დავალებებისა და მძლავრ აპლიკაციებზე სამუშაოდ ისინი არ გამოგადგებათ. გარდა ამისა, მათი კლავიატურა საკმაოდ ვიწროა და ხელს გიშლით თავისუფალ მუშაობაში.
- გდჰსაგდა
- დსადსა
- დსადსა
დასკვნა
ნოუთბუქის ყიდვა კომპლექსური სამუშაოა და არა ერთჯერადი დანახარჯი. ყველაზე მნიშვნელოვანი ამ დროს სპეციფიკაციაში სწორედ გარკვევა და მათი მისადაგებაა თქვენს საჭიროებებთან. წაიკითხეთ, რაც შეიძლება მეტი ნოუთბუქის მახასიათებლებზე, სწორად განსაზღვრეთ პრიორიტეტები და მხოლოდ ამის შემდეგ მიიღეთ გადაწყვეტილება შენაძენზე.
იმისთვის კი, რომ არც ზედმეტი დანახარჯი გასწიოთ და მახასიათებლემაც თქვენი მოთხოვნების შესაბამისად სრულად დაგაკმაყოფილოთ Laptops.ge გთავაზობთ ნოუთბუქების უდიდეს არჩევანს, მისაღებ ფასად და შეძენის გამარტივებული მეთოდებით.
