Blog Image

როგორ მოვუაროთ ლეპტოპის ელემენტს?

ლეპტოპის ერთ-ერთი გამორჩეული სიკეთე ავტონომიურად მუშაობის შესაძლებლობაა, თუმცა ამ უპირატესობით სარგებლობის ბედნიერება, როგორც წესი, მალე მთავრდება, ელემენტი შეძენიდან მალევე ფუჭდება და იძულებულები ვართ, დენის წყაროსთან მუდმივად შეერთებული ლეპტოპით ვიმუშაოთ. თუმცა სანამ ეს დღე დადგება, შეგვიძლია ჩვენს ლეპტოპს ისე მოვუაროთ, რომ მისი აკუმულატორის მუშაობის ხანგრძლივობა გავზარდოთ.

ამ სტატიაში გაგიზიარებთ რამდენიმე რჩევას ნოუთბუქის ელემენტის სიცოცხლის გასახანგრძლივებლაად.

1. იმუშავეთ დენზე, მაგრამ არა ყოველთვის

სახლში ყოფნისას ლეპტოპი გქონდეთ მუდმივად დენზე შეერთებული, თუმცა ნუ გადააჭარბებთ და ხანდახან ავტონომიური რეჟიმითაც გამოიყენეთ.

როცა ელემენტი არ მუშაობს, ის ძველდება. ამიტომ ის სრულად დატენეთ და დახარჯეთ მინიმუმ 5 დღეში ერთხელ მაინც

2. დატენეთ 80%

იმისთვის, რომ აკუმულატორის სიცოცხლე გაახანგრძლივოთ, ნუ დატენით მას 80%-ზე მეტად და ნუ დასვამთ 20%-ზე ნაკლებზე.

ლეპტოპთან დაჯდომისას შეართეთ ქსელში და ყურადღება მიაქციეთ, რომ დატენვის ინდიკატორმა არ გადააჭარბოს 80%-ს. ამის შემდეგ გამორთეთ ნოუთბუქი, მოხსენით ელემენტი და თავიდან შეაერთეთ დასატენად.

როდესაც ლეპტოპი ავტონომიურად მუშაობს და აჩვენებს 20-10%-ს შორის, გამორთეთ და ნუ ჩართავთ, სანამ არ იქნებით დენის წყაროსთან ახლოს.

თუ ელემენტი ბოლომდე დაჯდა და ლეპტოპი რამდენიმე დღე არ ჩაგირთავთ, ის შეიძლება აღარც ჩაირთოს და მოგიწიოთ ახალი ელემენტის შეძენა.

ლეპტოპის ელემენტი


3. ლეპტოპი გედოთ სწორ ზედაპირზე

ეს აუცილებელია იმისთვის, რომ მოხდეს ჰაერის ცირკულაცია და ლეპტოპი არ გადახურდეს. როგორც მაღალი, ისე დაბალი ტემპერატურა ნოუთბუქის ყველაზე დიდი მტერია.

ნუ დადებთ ჩართულ ლეპტოპს დივანზე, პლედზე და სხვა რბილ ზედაპირზე. ასეთი ზედაპირი ხელს უშლის სითბოს გამოსვლას კომპიუტერიდან, რაც იწვევს მის გადახურებას.

4. ნუ გააჩერებთ მზეზე და მოარიდეთ მზის პირდაპირ სხივებს

ამისგან ლეპტოპი კიდევ უფრო გადახურდება, რაც მავნებელია მისი აკუმულატორისთვის. ეცადეთ გედოთ სიგრილეში და მოარიდოთ მზის სხივებს.

5. ზამთარში ნუ გაიტანთ გარეთ

ელემენტს არ უყვარს ძლიერი სიცივე. თუ ქუჩაში ტემეპერატურა 0-ს ქვემოთაა, ელემენტის ტემპერატურა 15 წუთში მიაღწევს ჰაერის ტემპერატურის მაჩვენებელს, ეს კი ელემენტის დეტალებისთვის კარგი არ არის.

6. სჯობს არ გამოიყენოთ მოლოდინის რეჟიმი

ბევრი ამჯობინებს ლეპტოპის უბრალოდ დახურვას და მისი მოლოდინის რეჟიმში გადაყვანას. ეს მხოლოდ მაშინ შეგიძლიათ გააკეთოთ, თუ ნოუბუქთან დაჯდომას 2 საათი არ აპირებთ. უფრო დიდი ხნით მოლოდინის რეჟიმში დატოვება ვნებს აკუმულატორს. ძილის წინ აუცილებლად გამორთეთ ნოუთბუქი სრულად.

7. გამორთეთ დენის წყაროდან, როცა არ მუშაობს

თეორიულად, როცა ელემენტი სრულად იტენება, დატენვის რეჟიმი წესით უნდა გაითისოს. თუმცა რეალურად ეს არ ხდება და ის დატენვას აგრძელებს უკვე „დატენვის კომპენსაციურ რეჟიმში“. თუ 100%-ზე მეტად დაიტენა, ელემენტი ფუჭდება. ამიტომ დატენვის შემდეგ ელემენტი აუცილებლად გამორთეთ დენის წყაროდან.

გაეცანით სხვა სტატებს Laptops.ge-ზე და შეიძინეთ ლეპტოპი ნახევარ ფასად.

დატოვე კომენტარი