როგორ შევარჩიოთ ლეპტოპი თამაშებისთვის / გეიმერული?
ყველასთვის ცნობილია, რომ თამაშისთვის მძლავრი მონაცემების ლეპტოპია საჭირო. თუმცა რა არის ზოგადად გეიმერული ნოუთბუქი და კონკრეტულად რა მონაცემებს უნდა აკმაყოფილებდეს ის, მოცემულ სტატიაში განვიხილავთ.
რა არის გეიმერული ნოუთბუქი?
გეიმერული ლეპტოპი წაარმოადგენს კომპიუტერს, რომელიც აერთიანებს დიდ სიმძლავრესა და მობილურობას. შესაბამისი მონაცემების ნოუთბუქები იმდენად ბევრია, რომ ნებისმიერი მსურველი აირჩევს თავისთვის შესაფერისს. ასეთი კომპიუტერი გამოირჩევა ისეთი კომპაქტურობით, როგორსაც ვერ შემოგვთავაზებს პერსონალური კომპიუტერი, თუმცა აქვე მნიშვნელოვანია, რომ მისი არჩევა სწორად შეგვეძლოს.
მთავარი კრიტერიუმები
მაშ ასე, თუ გჭირდებათ გეიმერული ნოუთბუქი, მაგრამ არ იცით რომელი შეიძინოთ; ამასთან, ისიც იცით, რომ თანამედროვე თამაშები კარგი მონაცემების მქონე კომპიუტერებს მოითხოვენ, ყურადღება მიაქციეთ შემდეგ კრიტერიუმებს.
- ძლიერი პროცესორი;
- ძლიერი ვიდეო ბარათი;
- კონკრეტული მოცულობის მქონე ოპერატიული მეხსიერება;
- მოცულობითი მყარი დისკი;
- მკაფიო ეკრანი, კარგი გაფართოებით.
არანაკლებ მნიშვნელოვანია აკუმულატორი, გაგრილების სისტემა, მოსახერხებელი კლავიატურა და ხმოვანი ბარათი. ყურადღება მიაქციეთ დამატებით მომენტებსაც:
შეიძინეთ მოდელი , რომელსაც აქვს თანამედროვე პორტები, როგორიცაა USB-C, HDMI, Thunderbolt, DisplayPort და სხვა
თუ ღამით გიყვართ თამაში, შეიძინეთ ნოუთბუქი, რომლის კლავიატურაც ანათებს.
შეამოწმეთ პორტების რაოდენობა მონიტორთან მიერთების შესაძლებლობისთვის.
გეიმერული ნოუთბუქის პროცესორი
რაც უფრო ძლიერია პროცესორი, მით უფრო მწარმოებლურია ნოუთბუქის სისტემა. ამიტომ სასურველია, რომ ის იყოს მინიმუმ ოთხ ბირთვიანი, საუკეთესო შემთხვევაში კი - რვა ბირთვიანი. უპირატესობა მიანიჭეთ AMD-ს ან INTEL-ს. ასეთი პროცესორები უზრუნველყოფენ არა მხოლოდ თამაშის გაშვებას, არამედ შეუფერხებელ მიმდინარეობასაც. რაც შეეხება განახლების სიხშირეს, დასაშვები დიაპაზონია 2.8-3.5 GHz.
გეიმერული ვიდეობარათი
ეკრანზე გამოტანილი გამოსახულების ხარისხი და დეტალურობა განისაზღვრება ვიდეო ბარათის ტიპით. ხშირად სწორედ ვიდეო ბარათით განასხვავებენ გეიმერულ და ჩვეულებრივ ლეპტოპებს ერთმანეთისგან. თუ თქვენს მიერ არჩეულ ნოუთბუქს აქვს ჩაშენებული ვიდეო ბარათი, მაშინვე ამოიღეთ ის სავარაუდო შენაძენების სიიდან. ასეთი კომპიუტერი სათამაშოდ არ გამოგადგებათ. საუხეთესო არჩევანი დისკრეტული ვიდეო ბარათია. ის უნდა იყოს სრულყოფილი და დამოუკიდებელი ელემენტი, წინააღმდეგ შემთხვევაში თანამედროვე თამაშების დავიწყება მოგიწევთ.
ოპერატიული მეხსიერება
ოპერატიული მეხსიერების მინიმალური მოცულობა უნდა იყოს 4 GB, მაგრამ უკეთესია, თუ 8 იქნება. საუკეთესო შემთხვევაში კი აირჩიეთ ოპერატიული მეხსიერება, რომლის 16 GB-მდე გაზრდის შესაძლებლობაც გექნებათ დროთა განმავლობაში.
მყარი რისკი
თამაშები წარმოუდგენლად მძიმეა, ამიტომ ნოუთბუქის ყიდვისას შეეცადეთ, რომ მას ტევადი მყარი დისკი ჰქონდეს. თქვენთვის დასაშვები მინიმუმი 1TB-ია, 500 GB-იც კი სათამაშოდ ზედმეტად ცოტაა.
ეკრანი
თუ თამაშისგან მაქსიმალური სიამოვნების მიღება გინდათ, უპირატესობა მიანიჭეთ დიდი ეკრანის მქონე ნოუთბუქს. ყველაზე პოპულარული ვარიანტია 16-18’’. თუ თქვენს მიერ არჩეული ლეპტოპის ეკრანი 15 ინჩიანია, 1920x1080, Full HD მხარდაჭერით, მისგან საკმარის სიამოვნებას მიიღებთ, რადგან კარგი გამოსახულება და ჩატვირთვის ეფექტი გარანტირებულია. თუ უფრო მეტი შედეგი გინდათ, აირჩიეთ კომპიუტერი 4K(3840×2160) ან Quad HD (2560×1440) მონაცემებით.
გაგრილების სისტემა
თამაშის დროს ზედმეტი გადახურებისგან დაგიცავთ კარგი გაგრილების სისტემა. მან უნდა უზრუნველყოს პროცესორის, ვიდეობარათის, ჩიპსეტის გაგრილება. კარგი გაგრილების სისტემა აქტუალურია სწორედ ნოუთბუქების შემთხვევაში, რადგან თანამედროვე პერსონალური კომპიუტერის ზომები ამას ისედაც უზრუნველყოფს.
აკუმულატორი
ნოუთბუქის უპირატესობა პერსონალურ კომპიუტერთან შედარებით, მის მობილურობაში გამოიხატება. სწორედ ამისთვისაა მძლავრი აკუმულატორი საჭირო, რომ თამაში დენის წყაროსთან მიერთების გარეშე შეძლოთ. აკუმულატორის მინიმალური ტევადობა 4000 mAh უნდა იყოს. შეძლებისდაგვარად აირჩიეთ ნოუთბუქი, რომელსაც ექნება მოხსნადი აკუმულატორი, რათა საჭიროების შემთხვევაში მისი გამოცვლა შეძლოთ.
ხმა / audio
ნოუთბუქის შერჩევისას დაფიქრდით აკუსტიკის რომელ სახეობას ანიჭებთ უპირატესობას. საუკეთესო ვარიანტია საუნდ ბარათი, რომელსაც აქვს მრავალარხიანი ხმის მხარდაჭერა. თუ ჩაშენებულ ხმას ანიჭებთ უპირატესობას ყურადღება მიაქციეთ, რომ დინამიკები ჟღერდეს საკმარისად ხარისხიანად და მაღალ ხმაზე.
და ბოლოს, შეძენამდე კარგად დაფიქრდით. გეიმერული ნოუთბუქი, როგორც წესი, უფრო ძვირი ღირს, ვიდრე ჩვეულებრივი. ამიტომ სანამ არჩევანს გააკეთებთ ყველა მინუსი და პლიუსი კარგად აწონ-დაწონეთ.
ამ სტატიის გაცნობის შემდეგ შეგიძლიათ გადახედოთ ჩვენს მიმდინარე შემოთავაზებებს ლეპტოპები თამაშებისთვის ან 3D სამუშაოსთვის.
