Blog Image

ულტრაბუქი, ლეპტოპი, ჰიბრიდი, ტაბლეტი თუ ქრომბუქი - რომელი ჯობია?

რამდენიმე წლის წინ ლეპტოპის შეძენა ძალიან მარტივი იყო. უბრალოდ უნდა აგვერჩია ჩვენი მოთხოვნის შესაბამისი პორტატული კომპიუტერი. თუმცა მას შემდეგ ვითარება შეიცვალა. ბაზარზე გამოვიდა ულტრაბუქები, ქრომბუქები, პლანშეტები და ჰიბრიდები, რის გამოც არჩევანის გაკეთება გართულდა.

ამ სტატიაში შევეცდებით განვიხილოთ თითოეული მათგანის უპირატესობა და ნაკლოვანება და დაგეხმაროთ სწორი არჩევანის გაკეთებაში.

ქრომბუქები

ქრომბუქი

ქრომბუქი უფრო მეტად მუშაობს Google-ის ოპერაციულ სისტემაზე, ვიდრე Windows-ზე. შესაბამისად აქვს ოპერაციული მხარდაჭერის ცოტა სპეციფიური მახასიათებლები. მათი ღირებულება საკმაოდ დაბალია და მერყეობს $200-$300 ფარგლებში.

თუმცა დაბალმა ფასმა არ მოგატყუოთ. ქრომბუქი მთლიანად დამოკიდებულია ბრაუზერზე აწყობილ მახასიათებლებზე, ამიტომ უნდა გაითვალისწინოთ, რომ ყველა ოპერაციის შესრულება აპლიკაციებისა და ბრაუზერის დახმარებით მოგიწევთ.   მათი შესაძლებლობები საკმაოდ ლიმიტირებულია. თქვენ შეძლებთ იმეილების წერას, დოკუმენტების ჩასწორებას და ონლაინ აპლიკაციების გამოყენებას, მაგრამ თითქმის ვერ შეძლებთ მუშაობას უინტერნეტოდ, ისეთ ტრადიციულ ოფლაინ პროგრამებზე, როგორიც აქვს ვინდოუსს.

ასევე ვერ შეძლებთ ჩვეულებრივი პრინტერის მიერთებას. პრინტერს, რომელიც მას უკავშირდება უნდა ჰქონეს Google Cloud Print-ის მხარდაჭერა.  

ის არის პორტატული, იაფი და მარტივი. თუ ვებ სერფინგისთვის და მარტივი საოფისე პროგრამებისთვის გჭირდებათ ხელმწისავდომი კომპიუტერი,  მარტივად შეგიძლიათ შეიძინოთ.

ულტრაბუქი

ულტრაბუქი

ახლა კი გადავხედოთ ულტრაბუქებს. ეს არის Windows-ის ოპერაციულ სისტემაზე დაფუნძებული პასუხი  MacBook Air-ს და Intel ყველანაირად ცდილობს მას ღირსეული კონკურენცია გაუწიოს მაღალტექნოლოგიური სერვისის შეთავაზებით.  

ულტრაბუქი ძლიერი და პორტატულია. 0.9 ინჩიანი სისქე აქვს, სწრაფად ირთვება და 6 საათიან ავტონომიურ მუშაობას გთავაზობთ ვიდეო სტრიმინგის რეჟიმში, ასევე Intel-ის უსადენო ტექნოლოგიების და ხმოვანი ბრძანების მხარდაჭერა აქვს.  

ულტრაბუქები იაფი ნამდვილად არ არის, მაგრამ თუ Windows-ის ერთგული ხართ და თან MacBook Air-ის კლასის პორტატული კომპიუტერი გჭირდებათ თავისუფლად შეგიძლიათ მასზე გააკეთოთ არჩევანი.

ჰიბრიდები და ტრანსფორმერები

ტაბლეტი და ტრანსფორმერი

ჰიბრიდები და ტრანსფორმერები იდეალური გადაწყვეტილებაა მობილური ადამიანებისთვის. ეს არის შუალედური ვარიანტი პლანშეტსა და პერსონალურ კომპიუტერს შორის, რომელიც ადვილად ტრანსფორმირდება ერთის ან მეორეს მხარეს. თუ თქვენ კომპიუტერი გჭირდებათ გაუკეთებთ ტაბლეტს კლავიატურას და თავისუფლად შეასრულებთ ყველა იმ ოპერაციას, რომელსაც სტანდარტული კომპიუტერით დახმარებით ახდენთ. 

ბაზარზე თქვენ ნახავთ ორი სახის ჰიბრიდს: ლეპტოპ ტრანსფორმერს  (Lenovo IdeaPad Yoga 11s ან Dell XPS 12), ლეპტოპს, რომლის სქრინიც იკეცება, მოძრაობს და  ტრანსფორმირდება. აღჭურვილი ყველა უახლესი ტექნოლოგიით და რაც მთავარია, იმდენად მობილურია, რომ გეხმარებათ ყველა ვითარებაში ნებისმიერი ამოცანის შესასრულებლად. მეორე სახეობა არის ტაბლეტ ტრანსფორმერი, ტალბეტი, რომელსაც უკეთდება კლავიატურა და ტრანსფორმირდება ნოუთბუქად.

ლეპტოპ ტრანსფორმერი უფრო ძვირადღირებულია  და პრემიუმ ხარისხის ნოთბუქების კატეგორიაში გადის. ტაბლეტ ტრანსფორმერის ღირებულება უფრო დაბალია.

ლეპტოპები

ლეპტოპები

და ბოლოს, თუ თქვენ არ გჭირდებათ ორი ერთში ტრანსფორმერი, არ გჭირდებათ უახლესი ტექნოლოგიები და ქრომბუქი თქვენთვის ზედმეტად შეზღუდული შესაძლებლობებისაა, მაშინ გირჩევთ ტრადიციული გზით წახვიდეთ და მარტივი ნოთუბუქი შეიძინოთ.

კომპანია Laptops.ge გთავაზობთ ლეპტოპების ფართო არჩევანს ონლაინ განვადებით და მიწოდებით მთელს საქართველოში!

დატოვე კომენტარი