Blog Image

SSD vs HDD: რომელია უკეთესი?

თუ თქვენ ახალი კომპიუტერის ან ნოუბუქის ყიდვა გინდათ, ანდაც არსებული კომპიუტერის მოდერნიზაციას განიხილავთ, ინტერნეტში შეგხვდებათ უამრავი ინფორმაცია მყარ დისკსა და SSD-ზე, მაგრამ რომელი მათგანია თქვენთვის უკეთესი, მათი კონკრეტული მახასიათებლებიდან და თქვენი პრიორიტეტებიდან გამომდინარე უნდა აირჩიოთ.  ჩვენ კი ამ სტატიაში ამ ორ მეხსიერების ბარათს განვიხილავთ და დეტალურად მოგიყვებით თუ რა პლიუსები და მინუსები აქვს თითოეულ მათგანს.

თუ თქვენ პერსონალურ კომპიუტერს ფლობთ, შეგიძლიათ ორივე მათგანი დააყენოთ ერთდროულად. და თუ ამ სტატიაში მოცემულ რჩევებს გაითვალისწინებთ მარტივად მიხვდებით რაში შეგიძლიათ გამოიყენოთ თითოეული მათგანი კომპიუტერის მწარმოებლურობის გასაზრდელად.


 

რა არის ტრადიციული მყარი დისკი (HDD)?

თუ თქვენ პერსონალურ კომპიუტერს ფლობთ, სავარაუდოდ მასზე მყარი დისკი იქნება დაინსტალირებული, რომელზეც განთავსებულია თქვენი ოპერაციული სისტემა, აპლიკაციები, რომელიც კომპიუტერზე დააყენეთ, ფაილები და ფოლდერები, რომელიც შექმენით.

ტრადიციული მყარი დისკი მოიცავს მოძრავ დისკს, ასევე ცნობილს, როგორც დაფა, რომელიც ინახავს თქვენს მონაცემებს. რაც უფრო სწრაფად ტრიალებს დაფა, მით სწრაფად მუშაობს მყარი დისკი, მით უფრო მეტი წარმადობა აქვს თქვენს ოპერციულ სისტემას და შესაბამისად მით უფრო სწრაფად მუშაობს თქვენი კომპიუტერი.

ძველი მყარი დისკები იყენებენ IDE პორტს დედა დაფასთან დასაკავშირებლად. ახლები კი SATA კავშირს. თანამედროვე დედა დაფებს აქვთ SATA, SATA III უახლესი ვერსიები, რაც განაპირობებს მონაცემთა სწრაფ გადაცემას.


 

რა არის SSD?

SSD ახალი შემნახველი ტექნოლოგიაა, რომელიც თანამედროვე ლეპტოპებში გამოიყენება.  

SSD-ს ტრადიციული მყარი დისკისგან განსხვავებით არ აქვს მოძრავი ნაწილები. ამის მაგივრად ის იყენებს NAND ფლეშ მეხსიერებას. რაც უფრო მეტი NAND მეხსიერების ჩიპები აქვს  SSD - ს, მით მეტი მეხსიერების მოცულობა აქვს მას. თანამედროვე SSD აქვს იმდენივე მოცულობა, რაც HDD-ს.

ბევრი SSD გამოდის SATA III პორტით, რაც იმას ნიშნავს, რომ ის შეგიძლიათ დააინსტალიროთ მყარი დისკის ადგილას.


 

SSD vs HDD: ფასი

SSD თუ HDD

როცა არჩევანს აკეთებთ SSD-სა და HDD-ს შრის, პირველ დიდ განსხვავებას, რასაც მათ შორის აღმოაჩენთ - ფასია. SSD შემნახველი, როგორც წესი, ბევრად ძვირია ვიდრე ტრადიციული მყარი დისკები.

თუმცა ფასთა სხვაობა SSD-ს სახეობებს შორისაც გვხვდება. არსებობს უფრო ძვირი და უფრო იაფი SSD შემნახველი. ძველი SATA III SSD უფრო იაფია ვიდრე M2 და PCIe.

თუ თქვენ გსურთ დიდი მოცულობის მქონე შემნახველი ბიუჯეტურ ფასად, გირჩევთ აირჩიოთ HDD. მათი წარმოება უფრო იაფი ჯდება, შესაბამისად ფასიც ნაკლები აქვთ. 

ფასების შედარების დროს ბუნებრივად მივდივაართ SSD-HDD-ის მოცულობების შედარების საკითხებამდე. თუ თქვენ მეხსიერების მოცულობა გაინტერესებთ, აუცილებლად HDD შემნახველი უნდა აირჩიოთ. მათი მოცულობა მერყეობს 40 GB-12 TB-ს შორის. ხოლო 2 TB შიდა მეხსიერების მქონე ნოუთბუქის შეძენა საკმაოდ ნორმალურ ფასად შეგიძლიათ.


 

სიჩქარე

რაც შეეხება სიჩქარეს, SSD შემნახველი 10 -ჯერ უფრო სწრაფია, ვიდრე ტრადიციული მყარი დისკი. ამიტომ აქაც თქვენს პრიორიტეტებს უნდა გადახედოთ და თუ თქვენთვის სისწრაფე და წარმადობა მნიშვნელოვანია და შესაბამისი ფინანსური რესურსიც გაქვს, ეს უკანასკნელი აირჩიოთ.

Laptops.ge-ზე შეძლებთ SSD-ს შეძენას, ასევე Second HDD Caddy (DVD წამკითხველის ნაცვლად გადამყვანის ჩასასმელი) ძალიან იაფად!

კომენტარები

  • Laptops.ge / May 22 ,2020

    გოგიტა გამარჯობა,

    თავისთავად, შესაძლებელია :)

  • გოგიტა / May 22 ,2020

    გამარჯობათ მე მაინტერესებს თუ თანამედროვე ლეპტოპზე უკვე მიყენია ssd და თავისუფალია hdd ს პორტი შევძლებ თუარა მის ადგილზე კიდევ მეორე ssd ს დაყენებას?

დატოვე კომენტარი