რას ნიშნავს ახალი, მეორადი და განახლებული ლეპტოპი? როგორ გავაკეთო სწორი არჩევანი?
თუ ახალი ლეპტოპის შეძენა გსურს, თანაც დაბალ ფასად, მაგრამ ასეთი ვერსად ნახე? შენთვის სასურველ ფასად მხოლოდ მეორად ლეპტოპებს ნახულობ, მაგრამ არ იცი მისი შეძენა ღირს თუ არა? Laptops.ge განახლებული ლეპტოპების სახით გთავაზობთ საუკეთესო გამოსავალს. განახლებული ლეპტოპი იდეალურ მდგომარეობაში იმყოფება როგორც ტექნიკურად, ისე პროგრამული უზრუნველყოფით, ხოლო მისი ფასი ყველასთვის მისაღებია.
თუ არ იცი არ იცი როგორ განასხვაო ერთმანეთისგან ახალი, მეორადი და განახლებული ლეპტოპი, მაშინ დღეს ამ პრობლემას Laptops.ge-სთან ერთად გადაჭრი. დეტალურად განვიხილოთ თუ რა არის განახლებული ლეპტოპი და რატომ სჯობს ის ახალს და მეორადს.
დღესდღეობით ლეპტოპი ყველა პროფესიის ადამიანის განუყოფელი სამუშაო ნივთია. თუ მანამდე გვეგონა, რომ ლეპტოპი მხოლოდ იმ ადამიანს სჭირდებოდა, რომელსაც ტექნოლოგიებთან ან ციფრულ სამყაროსთან ჰქონდა შეხება, ეს ყველაფერი ნელ-ნელა რადიკალურად იცვლება და ვხედავთ, რომ პერსონალური ლეპტოპი ყველას, მათ შორის სკოლის მოსწავლეებსაც კი სჭირდებათ. თუმცა ახალი ლეპტოპების ღირებულება ძალიან მაღალია და შესაძლოა ბევრი ადამიანისთვის ბარიერსაც წარმოადგენდეს. სწორედ ამიტომ Laptops.ge გთავაზობთ განახლებულ ლეპტოპებს, რომლებიც ფუნქციურად არაფრად ჩამოუვარდება ახალ ლეპტოპს და თან ყველასთვის მისაღებ ფასად არის შესაძლებელი მათი შეძენა.
რა საკვირველია სრულიად ახალი ლეპტოპი მრავალ კომფორტს გვთავაზობს. ის გაუხსნელია, ჯერ არავის გამოუყენებია, შესაბამისად გვექმნება მოლოდინი, რომ მას ყველაფერი იდეალურ მდგომარეობაში უნდა ჰქონდეს. მაგრამ ეპოქაში, როცა ყოველ წელს ახალი ლეპტოპები იპყრობენ ტექნიკის მაღაზიის დახლებს ღირს თუ არა დიდი თანხის გადახდა დღეს “ახალ” ლეპტოპში, რომელიც შესაძლოა ძალიან მალე “ძველად” ჩაითვალოს.
რადგან თვალსაჩინო გახდა რა არის ახალი ლეპტოპი, ახლა გავარკვიოთ რა არის მეორადი ლეპტოპი და რა დადებითი თუ უარყოფითი მხარეები აქვს მას.
მეორადი ლეპტოპი უკვე მოხმარებული ნივთია, რომელსაც ცვეთადი ნაწილების რესურსი ეწურება ან უკვე ამოწურული აქვს. ესენია მაგალითად: ელემენტი, მყარი დისკი, მეხსიერება და სხვა. ამავდროულად, მეორადი ლეპტოპის შეძენისას თქვენ არ გაქვთ ინფორმაცია იმის შესახებ, თუ როგორ გამოიყენა ის წინა მფოლობელმა. მეორად ლეპტოპებს შეიძლება ჰქონდეთ ფარული დეფექტები ან ტექნიკური პრობლემები, რომლებიც დაუყოვნებლივ არ შეინიშნება. წინა მფლობელმა შეიძლება არ გაამჟღავნოს ან არ იცოდეს ამ პრობლემების შესახებ. მიუხედავად ამ ყველაფრისა, მეორადი ლეპტოპები ახალთან შედარებით ბევრად იაფია და ხშირად ამ ფაქტორის გამო მყიდველში ინტერესს იწვევს - მაგრამ ცოტას თუ უფიქრია, რომ უკვე გამოყენებული ლეპტოპის “რემონტი” შესაძლოა უფრო ძვირ და გაუთვალისწინებელ ხარჯებთან ასოცირდებოდეს.
და მაშინ რა არის გამოსავალი, თუ ახალი ლეპტოპი ძალიან ძვირია და მეორადს შესაძლოა გაუთვალისწინებელი ხარჯები ახლდეს თან, რომელი ლეპტოპი უნდა შეარჩიოს მომხმარებელმა?
Laptops.ge-ზე განახლებული არ გულისხმობს, რომ ლეპტოპი არის შეკეთებული. ჩვენ აშშ-ში ლეპტოპებს კორპორატიული გარემოდან ვყიდულობთ, რაც გულისხმობს, რომ დიახ, ლეპტოპი უკვე გამოყენებულია, მაგრამ არა კონკრეტული ინდივიდის მიერ, არამედ კონკრეტული ორგანიზაციის მიერ. სწორედ ამიტომ, განახლებული ლეპტოპები მეორადთან შედარებით თითქმის იდეალურ მდგომარეობაში ჩამოდის საქართველოში-სადაც მას სრულფასოვანი დიაგნოსტიკა უტარდება და მომხმარებლამდე იდეალურ კონდიციაში მყოფი მიდის. Laptops.ge-ს მიერ განახლებული ლეპტოპი აერთიანებს ახალი და მეორადი ლეპტოპის დადებით მხარეებს. ის იდეალურ მდგომარეობაში იმყოფება როგორც პროგრამული, ისე ტექნიკური კუთხით და ახალთან შედარებით მისი შეძენა გაცილებით ნაკლებ ფასად შეგიძლიათ.
და მაინც, რა ხდება მაშინ, როდესაც ჩვენ კორპორატიული გარემოდან შევიძენთ ლეპტოპებს და თქვენთვის მას გარდავქმნით იდეალურ სამუშაო ატრიბუტად?
1) პირველ რიგში ტარდება ყველა დეტალის ვიზუალური დიაგნოსტიკა
მოწმდება ყველა ვიზუალური ელემენტი, მათ შორის ეკრანი, კლავიატურა და სხვა. იმ შემთხვევაში, თუ აღმოჩნდება თუნდაც უმნიშვნელო დაზიანება, Laptops.ge უზრუნველყოფს მის გამოსწორებას. ვიცით, რომ მომხმარებლისთვის ლეპტოპის ვიზუალი ძალიან მნიშვნელოვანია.
2) ტარდება სრული პროგრამული დიაგნოსტიკა
აუცილებელია ვფლობდეთ ინფორმაციას, თუ რა პროგრამული უზრუნველყოფა სჭირდება ლეპტოპს, რათა ვუზრუნველყოთ მისი გამართულად მუშაობა.
3) ხდება ლეპტოპების სრული წმენდა
განსაკუთრებულ ყურადღებას ვუთმობთ ვენტილაციის სისტემის წმენდას და ზოგადად მტვრისგან წმენდას. ვინაიდან ლეპტოპი ჰაერით გრილდება ის იწოვს და შემდეგ გაცხელებულ ჰაერს უშვებს. მაშასადამე, მას აქვს მტვერსასრუტის პრინციპი და წლების განმავლობაში ილექება მტვერი-იმისათვის, რომ თავიდან ავირიდოთ მტვრის დაგროვება, საჭიროა სისტემატური წმენდა. ასევე, რადგან ლეპტოპი უკვე გამოყენებულია, მის კორპუსსა და კლავიატურაზე ილექება ბევრი ნარჩენი. Laptops.ge უზრუნველყოფს ლეპტოპის, როგორც შიდა სისტემების, ისე კორპუსის სრულ წმენდას.
4) ხდება თერმოპასტების/თერმობალიშების შეცვლა
ეს უზრუნველყოფს ლეპტოპის გაგრილებას და თავიდან გვარიდებს მის გადახურებას. იმ შემთხვევაში, თუ არასაკმარისი თერმოპასტა აქვს ლეპტოპს, ის იწყებს შენელებულ მუშაობას, ის არ გრილდება და მუდმივად მაღალ ტემპერატურაზე მუშაობს. ეს პროცესი კი აუცილებლად დააზიანებს ლეპტოპს და გაუთვალისწინებელ ხარჯებამდე მიგიყვანთ.
5) ლეპტოპი გადის პროგრამულ სტრეს-ტესტებს
ვცდით რამდენად შეუძლია განახლებულ ლეპტოპს გაუძლოს ისეთ დროს მუშაობას, როდესაც ერთდროულად ბევრი მოქმედების შესრულებაა აუცილებელი. ვიცით, რომ თქვენთვის მნიშვნელოვანია ბევრი საქმე დროის უმოკლეს მონაკვეთში შეასრულოთ ჩვენი განახლებული ლეპტოპების დამხმარებით, სწორედ ამიტომ მათ მუდმივად ვტესტავთ, რამდენად უძლებენ ისინი დიდ დატვირთვას.
6) ხდება ხმარებაში მყოფი კომპონენტების სულ ახალი კომპონენტებით ჩანაცვლება
მაგალითად, ძველ SSD-ს ვცვლით ახლით. ასევე, იცვლება ოპერატიული მეხსიერება (RAM) და სხვა კომპონენტები, რაც უზრუნველყოფს ლეპტოპის სიცოცხლის გაზრდას, მუშაობის სისწრაფეს და თქვენი მონაცემების დაცულობას.
7) საჭიროების შემთხვევაში იცვლება ელემენტი
სანამ ჩვენი განახლებული ლეპტოპი თქვენამდე მოვა, ელემენტი გადის პროგრამულ და რეალურ ტესტებს. თუ ის გამოდგება ექკპლუატაციისთვის მას აუცილებლად ვტოვებთ ლეპტოპში ხოლო, თუ მისი რესურსი ამოწურვის პირასაა იცვლება ახლით.
8) ხდება სისტემის და პროგრამული უზრუნველყოფის დაყენება (Windows, Drivers, BIOS)
ვიცით, რომ თქვენთვის აუცილებელი რამ არის დრო. ხშირად როდესაც ლეპტოპს ყიდულობთ, მასში ჯერ არ არის დაყენებული სხვადასხვა საჭირო პროგრამები-ამიტომ გიწევთ მოძებნოთ პროგრამული უზრუნველყოფის სპეციალისტი, რომელიც დაგიინსტალირებთ თქვენთვის საჭირო პროგრამებს. მაგრამ Laptops.ge თავიდან აგარიდებთ ზედმეტ დროის ხარჯვას და ჩვენ განახლებისას, ასევე პროგრამულადაც უზრუნველვყოფთ ლეპტოპებს.
საჭიროების შემთხვევაში სრულდება სხვა აუცილებელი სამუშაოები.
განახლებული ლეპტოპის მთავარ უპირატესობად ფასი და მისი იდეალური მდგომარეობა შეიძლება ჩაითვალოს. თქვენთვის სასურველ განახლებულ ლეპტოპს Laptops.ge-ზე შეარჩევთ. ჩვენ გარანტიას გაძლევთ, რომ გაგაოცებთ როგორც ფასით, ისე ლეპტოპების არჩევანითა და იდეალური მდგომარეობით.
რაღას უცდი, დაიწყე განახლებული ლეპტოპის შერჩევა Laptops.ge-ზე!
