Blog Image

Windows VS Chrome OS: რა განსხვავებაა Windows ლეპტოპს და Chromebook-ს შორის?

არ იცით რა განსხვავებაა ლეპტოპს და ქრომბუქს შორის? ჩვენ გავცემთ თქვენს ყველა კითხვას პასუხს.

ქრომბუქი (Chromebook) წარმოადგენს ლეპტოპის  მსგავს გაჯეტს, რომელიც Chrome OS ოპერაციულ სისტემაზე მუშაობს. აპარატული შემადგენელით ჰგავს სხვა ყველა დანარჩენ ლეპტოპს, თუმცა უფრო მინიმალისტურია და Windows და MacOS ნოუთბუქებისგან განსხვავებულ გამოცდილებას გვაძლევს.

ქრომბუქები 2011 წელს შეიქმნა და შეზღუდული ფუნქციონალის გამო თავდაპირველად არც თუ ისე დიდი პოპულარობით სარგებლობდა. თუმცა მას მერე ბევრი რამ შეიცვალა. ქრომბუქი დაიხვეწა და მომხმარებელს უკვე სრულ კომფორტს სთავაზობს.


რისი გაკეთება შეგიძლიათ ან არ შეგიძლიათ ქრომბუქით

ქრომბუქში ყველაფერი ვებ ბრაუზერით კეთდება. შესაძლებელია რამდენიმე წლის წინ ამას პრობლემა შეექმნა მომხმარებლისთვის, მაგრამ დღეისათვის აღარაფერი არსებობს ისეთი რისი გაკეთებაც ინტერნეტით არ შეიძლება. ნებისმიერი რამ, რასაც ოპერაციული სისტემის მხარდაჭერით აკეთებთ ჩვეულებრივ ნოუთბუქში, შეგიძლიათ ინტერნეტში, სპეციალური ონლაინ პროგრამით განახორციელოთ.

ქრომბუქისგან განსხვავებით Windows ლეპტოპს და MacBook-ს შეუძლიათ ქრომისა და სხვა ნებისმიერი ბრაუზერის გამოყენება. ქრომბუქი მხოლოდ Chrome ბრაუზერს იყენებს. თუმცა ამას თქვენთვის შეიძლება მნიშვნელობა არც ჰქონდეს. ამ შემთხვევაში თავისუფლად შეგიძლიათ ქრომბუქი შეიძინოთ.

ქრომბუქი არ არის თავსებადი ვინდოუსთან და მაკის ოპერაციულ სისტემებთან. თუმცა დღეისათვის არსებობს გარკვეული აპლიკაციეიბი, რომელთა გაშვებაც შესაძლებელია Windows-ის მხარდაჭერის მისაღებად. თუ ქრომბუქს შეიძენთ მათი გამოყენება საქმეს გაგიმარტივებთ.

ყველაზე დიდი გამოწვევა Microsoft Office-ის მიუწვდომლობაა. ქრომბუქზე მის დაყენებას ვერ შეძლებთ, თუმცა მაიკროსოფთს აქვს ვებ და ანდროიდ ვერსიებიც, რომელთა საშუალებითაც დოკუმენტების შექმნას ონლაინ შეძლებთ.

იგივე შეგვიძლია ვთქვათ ფოტო-ვიდეო მონტაჟის შესაძლებლობაზე. მასზე ვიზუალის დამუშავების საბაზისო სერვისები ხელმისაწვდომია, გრაფიკული პროგრამები - არა. თუმცა გაქვთ შესაძლებლობა დააყენოთ Adobe ფუნქციონალის მქონე Android აპლიკაციები და დამონტაჟოთ  ფოტო და ვიდეო მასალა.

მეორეს მხრივ ქრომბუქი კარგი შესაძლელობაა გეიმერებისთვის, რადგან მასზე ხელმისაწვდომია სთრიმინგ სათამაშო სერვისები, რომლებიც უფრო მეტ თამაშს შემოგთავაზებენ. ასეთებია: Google Stadia, Nvidia GeForce Now and Xbox Cloud Gaming. გაქვთ Linux თამაშების ინსტალაციის შესაძლებლობაც.

აუცილებელია თუ არა ინტერნეტი?

ადრე აუცილებელი იყო. შეიძლებოდა უცებ ინტერნეტი გათიშულიყო და მნიშვნელოვანი ნამუშევარი დაგეკარგათ. ახლა ტექნოლოგია ბევრად შორს წავიდა Google-მა გააუმჯობესა ქრომბუქის ოფლაინ შესაძლებლობები  და ისეთი აპლიკაციების გაშვებასაც კი შეძლებთ ოფლაინ, როგორებიცაა Netflix, YouTube და Spotify.

რამდენად იაფია?

ქრომბუქი არა მხოლოდ მსუბუქი, არამედ იაფიცაა დაბალი მონაცემების აპარატული შემადგენელის გამო. თუმცა ისიც უნდა აღინიშნოს, რომ თუ თქვენ ლეპტოპის შესაძენად 1000<₾ გაქვთ, ასეთ შემთხვევაში არჩევანი სჯობს ქრომბუქზე გააკეთოთ.  ამ ბიუჯეტში კარგი ქრომბუქის პოვნა მარტივია. იმ დროს, როცა კარგი მონაცემების მქონე ლეპტოპს ამ ფასად ვერ შეიძენთ.

ახლა კი მოკლედ იმის შესახებ თუ რა ძირითადი მახასიათებლებით განსხვავდება ერთმანეთისგან ქრომბუქი და ლეპტოპი.

ქრომბუქი (Chromebook)


  • შესაძლებელია მრავალი დანიშნულებით გამოიყენოთ. დაწყებული იმეილების გაგზავნით, დამთავრებული კომპიუტერული თამაშებით.
  • მუშაობს Chrome OS ოპერაციულ სისტემაზე.
  • აქვს ერთადერთი ბრაუზერის მხარდაჭერა და ეს არის Google Chrome.
  • თქვენთვის სასურველი ნებისმიერი დოკუმენტისა თუ პროგრამის შენახვას ონლაინ Cloud პლაფორმაზე შეძლებთ.
  • აქვს ინტერნეტ აპლიკაციების მხარდაჭერა, რომელთა შეძენაც შეგიძლიათ Chrome Web Store-დან და Google Play Store-დან.
  • ავტომატურად არის დაცული Google-ის მიერ.
  • აქვს ენერგოეფექტური აკუმულატორი

              ლეპტოპი


              • გამოიყენება ნებისმიერი დანიშნულებით. იქნება ეს ინტერნეტის გამოყენება თუ თამაში.
              • მუშაობს Windows და Mac OS ოპერაციულ სისტემებზე.
              • შესაძლებელია ნებისმიერი ბრაუზერის გამოყენება
              • ინფორმაციას ინახავთ, როგორც მყარ დისკზე, ისე ონლაინ „ქლაუდზე“
              • ლეპტოპზე შეგიძლიათ ნებისმიერი აპლიაციისა და პროგრამის დაინსტალირება.
              • ლეპტოპზე აუცილებელია ანტივირუსის დაყენება (ან ინტეგრირებულის გამოყენება)
              • აკუმულატორის ენერგოეფექტურობა დამოკიდებულია ნოუთბუქის მოდელზე.

                          და ბოლოს!

                          თუ თქვენი საქმიანობა არ არის კონკრეტულ პროგრამებთან დაკავშირებული (როგორიცაა: Adobe Photoshop, 3D Max და ა.შ.) და ძირითადად დაკავშირებულია ინტერნეტთან (Google Docs, Gmail, Email, Chrome...)  და საჭიროებს პორტატულ, სწრაფ ლეპტოპს, რომელსაც აქვს გამძლე ელემენტი, ქრომბუქი თქვენი საუკეთესო არჩევანია!

                          შეარჩიე სასურველი ქრომბუქი Laptops.ge-ზე. საუკეთესო განახლებული და ახალი მოდელები!

                          დატოვე კომენტარი