Blog Image

როგორ შევარჩიოთ ლეპტოპი ბიზნესისთვის (ბიზნეს ლეპტოპი)?

თუ ლეპტოპის შეძენა გსურთ თქვენი ბიზნესისთვის წინასწარ უნდა გაითვლისწინოთ გაკვეული ფაქტორები, რაც მნიშვნელოვანია ზოგადად ნებისმიერი ლეპტოპის შეძენისას. სასურველია წინასწარ განსაზღვროთ ბიუჯეტი, სასურველი ოპერატიული სისტემა, დიზაინი, ტექნიკური კომპონენტები, პროცესორის მწარმოებლურობა და ავტონომიური მუშაობის ხანგრძლივობა.

აღნიშნულ სტატიაში ნაბიჯ-ნაბიჯ განვიხილავთ თითოეულ ნაიმ მახასიათებელს, რომელიც ბიზნეს ლეპტოპის შეძენაში დაგვეხმარება. 

 

განსაზღვრეთ ბიუჯეტი

სანამ სამუშაოდ ნოუთბუქს შეიძენთ, წინასწარ განსაზღვრეთ ბიუჯეტი, წინააღმდეგ შემთხვევაში შეიძლება გადახარჯვა დაგემუქროთ. ბიუჯეტის განსაზღვრისას კი თქვენი თანამშრომლების მოთხოვნები და საქმიანობის სპეციფიკა გაითვალისწინეთ. 

საუკეთესო გადაწყვეტილება იქნება ერთი ბრენდის სამი განსხვავებული მოდელი შეარჩიოთ სხვადასხვა საფასო კატეგორიიდან. ეს საუკეთესო საშუალებაა დაიჭიროთ ბალანსი ხარისხსა და ფასს შორის. 

მას შემდეგ, რაც ბიუჯეტს დაითვლით, უკვე ადვილია თქვენთვის სასურველი თანხის ფარგლებში ოპტიმალური კომპიუტერის შეძენა. 

 

აირჩიეთ ოპერაციული სისტემა

თქვენ გიწევთ აირჩიოთ ოპერაციული სისტემა OS-სა და Windows -ს შორის და მათ შორის განსხვავებას ნათლად უნდა ხედავდეთ.

 

Apple OS 

როგორც წესი, OS-ს (ოპერაციულ სისტემას) ირჩევენ კრეატიული პროფესიის წარმომადგენლები გამოსახულების ხარისხის, გარკვეული ფუნქციების და ისეთი პროფესიული პროგრამების გამკლავების შესაძლებლობის გამო, როგორიცაა: Avid, Maya and Dreamweaver. 

თუმცა აქაც არ უნდა დაგავიწყდეთ ხარჯვის ლიმიტი და ოპერაციული სისტემის შემდგომი მომსახურების ღირებულება. როგორც წესი Apple OS-ის კომპიუტერის მომსახურება უფრო ძვირი ჯდება, ვიდრე Windows-ის.

 

Windows 

Windows სტანდარტული ოპერაციული სისტემაა საოფისე მუშაობისთვის. გარდა ამისა, ამ შემთხვევაში მეტი არჩევანიც გაქვთ ნებისმიერ საფასო კატეგორიაში, სასურველი სიმძლავრისა და მახასიათებლების ლეპტოპის შესაძენად. 

 

დიზაინი

სწორი დიზაინის შესარჩევად უნდა გაითვალისწინოთ როგორ მუშაობთ თქვენ და თქვენი გუნდი და პასუხი გასცეთ რამდენიმე კითხვას. 

 

მჭირდება ჰიბრიდი თუ ტრადიციული ლეპტოპი?

თქვენ უკვე კარგად იცნობთ ტრადიციულ ლეპტოპებს, მაგრამ მათ გარდა ბოლო წლებში ბაზარზე ჩნდებიან ჰიბრიდული ნოუთბუქებიც, რომლებიც ტაბლეტსაც აერთიანებენ თავის თავში. 

თუ თქვენი თანამშრომლები ბევრს მოგზაურობენ, შესაძლოა საუკეთესო გადაწყვეტილება ჰიბრიდული ნოუთბუქი იყოს. თუმცა ისიც უნდა გაითვალისწინოთ, რომ მათი ღირებულება ტრადიცულზე მეტია.

 

მნიშვნელოვანია კლავიატურა?

შეძენისას შეიძლება ბოლო მოდელის ჰიბრიდული ნოუთბუქითაც მოიხიბლოთ. თუმცა ყოველთვის გახსოვდეთ თანამშრომლების მუშაობის სპეციფიკა. მათი საქმიანობიდან გამომდინარე შესაძლოა მოსახერხებელ კლავიატურას გადამწყვეტი მნიშვნელობა ჰქონდეს. 

 

ბევრს ვიმოგზაურებ თუ უნდა ვიმუშაო ერთ ადგილზე? 

ამ კითხვაზე პასუხის გაცემა დაგეხმარებათ გაბარიტების შერჩევაში. თუ თქვენ და თქვენი თანამშრომლები ბევრს მოგზაურობთ, თქვენთვის გადამწყვეტი მნიშნველობა ექნება მცირე ზომებსა და წონას

 

მჭირდება თაჩსქრინი და სტაილუსი? 

თაჩსქრინი და სტაილუსი ძალიან მომხიბვლელია, თუმცა ასეთი ნოუთბუქები უფრო ძვირიცაა. სწორედ ამიტომ არის საჭირო განსაზღვრა გჭირდებათ თუ არა ასეთი მონაცემების ლეპტოპები თქვენ და თქვენ თანამშრომლებს. 

 

შეადარეთ სამი მახასიათებელი

ლეპტოპის შეძენისას ყურადღება უნდა გაამახვილოთ სამ მახასიათებელზე. მათ შორის მთავარია პროცესორი. 

 

პროცესორი

დაბალი მონაცემების პროცესორები

AMD E-Series, Intel Atom, Intel Pentium და Intel Celeron. თუ თქვენი მუშაობა ბეჭდვით და ვებ სერფინგით შემოიფარგლება, ამ კლასის პროცესორი სამუშაოს გაუმკლავდება. თუმცა მათთვის რეკომენდაციის მიცემა მაინც რთულია. 

საშუალო

პროცესორის სახეობები, როგორიცაა: m3, m5, m7, Celeron, Pentium, ATOM, აქვთ მსუბუქ და ჰიბრიდულ ნოუთბუქებს. ასეთი ნოუთბუქები თავისუფლად უმკლავდებიან საბაზისო დავალებებს.  

CPU რომელიც თითქმის ყველა ბიზნესისთვის კარგია: Intel Core i3 და i5 პროცესორის მქონე ნოუთბუქი დაგჭირდებათ თუ თქვენი თანამშრომლები მულტითასქურ დავალებებს ასრულებენ და მასიურ მონაცემებს ამუშავებენ, რადგან ასეთი ტიპის დავალებებს მძლავრი სისტემა ესაჭიროება. 

მაღალი

მწარმოებლურობის CPU: მეექვსე-მეშვიდე თაობის Core i7 და i9 ან m1 (Apple) პროცესორები ესაჭიროებათ განსაკუთრებით მძიმე, გრაფიკულ და სამონტაჟო პროგრამებში მომუშავე თანამშრომლებს.  

 

მეხსიერება

მეორე უმნიშვნელოვანესი ფაქტორი ლეპტოპის არჩევისას მათი ოპერატიული და შიდა მეხსიერებების: RAM-ის და  SSD-ის მოცულობებია. 

RAM: დაივიწყეთ ნებისმიერი ნოუთბუქი 4GB RAM-ით, რადგან მასზე მუშაობა საკმაოდ რთული იქნება. მეხსიერების მოცულობა უნდა შეადგენდეს 8GB ან მეტს, რომ კომფორტულად მუშაობა შეძლოთ მსუბუქი და საშუალო სიმძლავრის პროგრამების გამოყენებისას. 

დღეს, პროგრამების ზომის და შესასრულებელი დავალებების ოდენობიდან გამომდინარე სტანდარტული HDD აღარ იქნება საკმარისი. ამიტომ SDD დისკი დაგჭირდებათ 256GB და მეტი მოცულობით. 

 

ელემენტი

დაფიქრდით, რამდენად ხშირად გამოიყენებთ ლეპტოპს ენერგიის წყაროსთან შეერთების გარეშე და ამის მიხედვით გადაწყვიტეთ ელემენტის სიმძლავრესთან დაკავშირებული საკითხიც. თუ თქვენ და თქვენს თანამშრომლებს ძირითადად ოფისიდან ან სახლიდან უწევთ მუშაობა, შესაბამისად აქვთ წვდომა დენის წყაროსთანაც, ამიტომ არ საჭიროებენ მძლავრი აკუმულატორის მქონე ნოუთბუქს. 

მას შემდეგ, რაც ჩამოყალიბდებით სავარაუდო ბიუჯეტზე, ოპერაციულ სისტემაზე, დიზაინსა და მნიშვნელოვან მახასიათებლებზე თქვენთვის უკვე მარტივი იქნება აირჩიოთ ნოუთბუქი თქვენი ბიზნესისთვის. რა თქმა უნდა, ყველაფერი დამოკიდებულია იმ საქმიანობაზე, რითიც თქვენი თანამშრომლები არიან დაკავებულები. ამიტომ უპირველეს ყოვლისა ნოუთბუქები შეიძინეთ სამუშაოს სპეციფიკიდან გამომდინარე. ნუ გამოეკიდებით ფასს და უახლეს ტენდენციებს, რადგან ბიზნესისთვის პირველ რიგში მთავარია კომპიუტერის პრაქტიკული გამოყენება და ეფექტური საქმიანობა. 

Laptops.ge-ზე ხელმისაწვდომი ლეპტოპების სანახავად გამოიყენეთ ჩვენი ონლაინ მაღაზია: https://laptops.ge/From499GEL - ისარგებლეთ ფილტრებით (მარცხენა მხარეს) და მარტივად შეარჩიეთ თქვენი ბიზნეს ლეპტოპი :)

დატოვე კომენტარი