Blog Image

სად შევიძინო ლეპტოპი? მაღაზიაში თუ ონლაინ?

მსოფლიოში ონლაინ შოპინგი უფრო და უფრო დიდი პოპულარობით სარგებლობს და ამას თავისი მიზეზები აქვს. მომხმარებელი უფრთხილდება დროს, რომელიც მაღაზიებში სიარულზე უნდა დახარჯოს; ენერგიას, რომელიც ერთი ლოკაციიდან მეორეზე გადასვლასა და საუკეთესოს ძებნაში იკარგება; უსაფრთხოებას, რომელიც უმნიშვნელოვანესია კოვიდ-19 პანდემიის პირობებში.

ამ ვითარებით არის განპირობებული ინტერნეტ მაღაზიების მზარდი პოპულარობა და იმ პროდუქტების დიაპაზონის გაზრდა, რომელთა შეძენაც ონლაინ კომფორტული და მოსახერხებელია.

თუმცა, თუ მომხმარებლის ქცევას დავუკვირდებით, ყველაზე მეტად პოპულარობით მაინც ტექნიკის ონლაინ შეძენა სარგებლობს. განსაკუთრებულად პოპულარული მიმართულება კი კომპიუტერებია.

მოდით გავარკვიოთ კონკრეტულად სად სჯობს ლეპტოპის შეძენა.

 

შემოწმება

ბევრი ადამიანი ფიქრობს, რომ მაღაზიაში ლეპტოპს შეუმოწმებენ და ისე გაატანენ სახლში, ინტერნეტ მაღაზია კი ამას არ აკეთებს. სინამდვილეში ეს არის მითი, რომელსაც ბევრი მომხმარებელი შეცდომაში შეჰყავს.

კარგი ინტერნეტ მაღაზია აუცილებლად შეამოწმებს თქვენს შეკვეთას და ისე გაგზავნის ადრესატამდე თავის საგრანტიო ფურცელთან ერთად, რადგან სინამდვილეში არავის არაფერში სჭირდება ზემდეტი პასუხისმგებლობის აღება და მომხმარებლის მიერ უკან მობრუნებული ნივთის მენეჯმენტი.

 

გარანტია

საგარანტიო პირობებთან დაკავშირებით მრავალი მითია გავრცელებული. ზოგი ადამიანი ფიქრობს, რომ თუ კომპიუტერს ონლაინ მაღაზიაში შეიძენს, ვერ ისარგებლებს იმ საგარანტიო პირობებით, რასაც ფიზიკურ მაღაზიაში სთავაზობენ.

სინამდვილეში ეს ასე სულაც არ არის. კარგი ინტერნეტ მაღაზია აუცილებლად გთავაზობთ საგარანტიო პირობებს, რომელიც თვითონ ამ მაღაზიას ოფიციალური მომწოდებლისგან აქვს მიღებული. ასეთ შემთხვევაში მაღაზია თქვენს მხარეს დგება და თქვენთვის საუკეთესო მომსახურების პირობებს ათანხმებს ოფიციალურ მომწოდებელთან.

ქარხნული დაზიანების/დეფექტის/ხარვეზის მიხედვით პროდუქტი ექვემდებარება შეკეთებას ან ახლით შეცვლას. სხვადასხვა მოდელებზე საგარანტიო ვადაში ხშირად 5 წლამდეც არის.

 

ნახულობთ, როგორია

ფიზიკური მაღაზიის უპირატესობად მომხმარებელი ასახელებს შესაძლებლობას ხელით შეეხოს პროდუქტს. ამ შემთხვევაში აინტერესებთ ზომა, ფერი, ეკრანის მახასიათებლები და ა.შ.

კარგი ინტერნეტ მაღაზია ასეთ მახასიათებლებს არასოდეს დაგიმალავთ. პროდუქტს, როგორც წესი, ახლავს სრულყოფილი აღწერა, რომელშიც სხვა მრავალ მახასიათებლებთან ერთად ნახავთ ზომასაც და ფერებსაც.

 

კონსულტანტის რჩევა

თუ თქვენ ჯერ კიდევ ვერ გადაგიწყვეტიათ, რომელი ლეპტოპი შეიძინოთ, სავარაუდოდ დაგჭირდებათ კონსულტანტის რჩევა, რომელიც დეტალურად აგიხსნით თითოეული პროდუქტის მახასიათებლებს და გირჩევთ, რომელი კომპიუტერი შეიძინოთ.

ბევრ ადამიანს შეიძლება ეგონოს, რომ ინტერნეტ მაღაზიაში მარტო აღმოჩნდება დიდი რაოდენობის პროდუქტების წინაშე და გაუჭირდება მოცემული ლეპტოპებიდან საუკეთესოს არჩევა.

საქმე იმაშია, რომ ონლაინ მაღაზია ასევე გთავაზობთ კონსულტანტის მომსახურებას და თუ გადაწყვეტილების მიღება გაგიჭირდებათ, ჩატის ან სატელეფონო ზარის საშუალებით სიხარულით გაგიწევთ დახმარებას.

გარდა ამისა, ინერნეტ შოპში თითოეული პროდუქტის აღწერაში დეტალურად შეგიძლიათ გაეცნოთ მახასიათებლებს, ისეთებსაც კი, რომლის შესახებ შეიძლება წარმოდგენაც არ გქონდათ. ფიზიკურ მაღაზიაში კი თუ თავად არ დასვამთ კითხვას, შეიძლება მხოლოდ ძალიან საბაზისო ინფორმაცია მოგაწოდონ კომპიუტერის მახასიათებლების შესახებ და გამორჩეთ იმის თქმა, თუ რამდენია ეკრანის განახლების სიხშირე, რა მონაცემების ვიდეო ბარათი აქვს ჩვენს მიერ არჩეულ ნოუთბუქს და ა.შ.

 

ფასი

ბევრი მომხმარებელი ფიქრობს, რომ ონლაინ მაღაზია პროდუქტს საბაზრო ღირებულებაზე მეტ ფასად სთავაზობს. საქმე პირიქითაა. ონლაინ მაღაზიას არ უწევს იმ დანახარჯების გაღება არენდისა და სივრცის მომსახურებისთვის, რაც ფიზიკური მაღაზიისთვის აუცილებელია. სწორედ ამიტომ ხშირად ინტერნეტ შოპინგით ვიხდით ბევრად ნაკლებს, ვიდრე მაღაზიაში.

 

სხვა შესაძლებლობები

ფიზიკური მაღაზიები ხშირად მხოლოდ ახალ კომპიუტერებს გვთავაზობენ. ამ დროს კი ჩვენ შეიძლება გვინდოდეს Refurbished ან off-leased კომპიუტერის შეძენა, თანაც მაღაზიისგან, რომელსაც ვენდობით. ასეთი სანდო, ფიზიკური მაღაზიის პოვნა, თანამედროვე შოპინგის ყველა ატრიბუტით, გაგიჭირდებათ.

სამაგიეროდ, არსებობს ონლაინ მაღაზია, რომელიც ახალ პროდუქტებთან ერთად გვთავაზობს Refurbished ან off-leased კომპიუტერებს, საუკეთესო  გადახდის, განვადებისა და საგარანტიო პირობებით.

 

უსაფრთხოება

და ბოლოს, მსოფლიოს ყველა მედიკოსი გვირჩევს სოციალური მობილობის შემცირებას პანდემიის გავრცელების შესაფერხებლად. რაც უფრო ნაკლებს ვმოძრაობთ, რაც უფრო ნაკლებ ადამიანს ვხედავთ და რაც უფრო მეტ დისტანციას ვიცავთ, იმდენად ვართ დაცულები თავად, ვიცავთ ოჯახის წევრებს და საზოგადოებას. ამიტომ, თუ ამ ვითარებაში კომპიუტერის შეძენა გადაწყვიტეთ საუკეთესო გამოსავალი ინტერნეტ მაღაზიაა - შოპინგი დისტანციურად, უსაფრთხოების ნორმების დაცვით და კურიერის მომსახურებით.

გჭირდებათ ლეპტოპის შერჩევაში დახმარება? გაეცანით ჩვენს სტატიას :)

დატოვე კომენტარი